शिरोली दुमाला (कोल्हापूर) : सडोली दुमाला (ता. करवीर) शेतकरी दीपक भिकाजी कांबळे यांनी आधुनिक शेती तंत्राच्या साहाय्याने आपल्या 15 गुठ्यांत 34 पोती भात उत्पादन घेतले.
दीपक ग्रामपंचायतमध्ये डेटा ऑपरेटरचे काम करतात. त्यांना शेतीची आवड असल्याने त्यांनी आधुनिक तंत्राचा वापर करण्याचे ठरविले.
भात लावण्यासाठी त्यांनी "शुभांगी' या संकरित बियाणाची निवड केली. रोटावेटरच्या साहाय्याने रानाची मशागत करत चार ट्रॉली शेणखत घातले व कुरीच्या साहाय्याने भाताची पेरणी केली. भात उगवून आल्यानंतर दोन वेळा भांगलण करून पिकाच्या वाढीसाठी 22 किलो युरिया खताचा वापर केला. तुडतुडे, भुंगा, खोडकिड नियंत्रणासाठी दोन वेळा औषध फवारणी केली. त्यामुळे भाताला लोंब्या चांगल्या पडल्या. यासाठी गावातील ज्योतिर्लिंग कृषी सेवा केंद्राचे रामदास साळोखे यांनी मार्गदर्शन केल्याचे दीपक कांबळे यांनी सांगितले.
संपादन- अर्चना बनगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.