कोल्हापूर - धैर्यप्रसाद चौक परिसरात आज सकाळी मोटार आणि दुचाकीचा भीषण अपघात झाला. यात मोटरसायकलस्वार जागीच ठार झाला तर पाठीमागे बसलेला तरुण आणि मोटार चालक हे दोघे गंभीर जखमी झाले. पुरुषोत्तम वासुदेव बालिगा (वय 58) रा. कदमवाडी परिसर असे मृताचे नाव आहे. याबाबतची नोंद करण्याचे काम शाहूपुरी पोलिस ठाण्यात सुरू आहे.
याबाबत पोलिसांनी दिलेली माहिती अशी, सकाळी सातच्या सुमारास पुरुषोत्तम बालिगा हे नातेवाईकांसह भविष्य निर्वाह निधी कार्यालय मार्गे उलट दिशेने सदर बाजार च्या दिशेने जात होते. त्याच वेळी नैतिक कर्नावट हे ताराराणी चौकातून ताराबाई पार्कच्या दिशेने जात होते. सदर बाजार चौकाच्या दिशेने बालिगा यांच्या दुचाकीची व कर्नावट यांच्या मोटाराची जोराची धडक झाली.यात दुचाकीस्वार हवेत उडून खाली पडले तर मोटार ही रस्ता दुभाजक वरून पलटी झाली. यात बालिगा हे जागीच ठार झाले तर त्यांच्या मागे बसलेला नातेवाईक व मोटार चालक कर्नावट हे दोघे गंभीर जखमी झाले.
संपादन - मतीन शेख
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.