कागल : विनामास्क व क्वारंटाईन व्यक्ती फिरताना आढळल्यास दंडात्मक कारवाई करण्याचा निर्णय पालिकेच्या बैठकीत आज झाला. विनामास्क फिरणाऱ्यांना ५०० तर क्वारंटाईन व्यक्ती फिरताना दिसल्यास ५ हजार रुपये दंड करण्यात येणार असल्याचे  नगराध्यक्षा सौ. माणिक माळी यांनी सांगितले.
कोरोना महामारीच्या संसर्गावर उपाययोजना करण्यासाठी नगराध्यक्षा माणिक माळी यांच्या अध्यक्षतेखाली आज सदस्य आणि अधिकारी यांची बैठक बोलाविली होती. तालुका आरोग्य अधिकारी डॉ. श्रेयश जुवेकर, पोलिस निरीक्षक दत्तात्रय नाळे, डॉ. सुनीता पाटील, नगरसेवक प्रवीण काळबर नितीन दिंडे, बाबासाहेब नाईक उपस्थित होते. 

शहरात कोरोनाच्या रुग्णांत वाढ होत आहे. त्यामुळे शहरात लॉकडाऊन करता येईल का?  याबाबत चर्चा झाली. विनामास्क आणि क्वारंटाईन झालेल्या व्यक्ती फिरताना आढळल्यास  ५०० रुपये तर क्वारंटाईन व्यक्तीला ५ हजार दंड करण्याचा निर्णय नगराध्यक्षा माणिक माळी यांनी जाहीर केला. व्यापाऱ्यांनी दुकानात मास्क वापरणे बंधनकारक केले. मास्क न लावता खरेदीसाठी येणाऱ्या ग्राहकांना साहित्य न देण्याच्या सूचना देण्यात आल्या.

हे पण वाचा - Video : अहो, घ्या की पेरू घ्या, फोड खाऊन तर बघा ; पेरु खाताय मग ही बातमी वाचाच 

बैठकीस नगरसेवक आनंदा पसारे, राजाराम निंबाळकर, आरोग्य निरीक्षक अभिजित गोरे यांच्यासह शहरातील व्यापाऱ्यांचे प्रतिनिधी उपस्थित होते.

  संसर्ग टाळण्यावर एकमत
  क्वारंटाईन व्यक्तीला दंड 
  विनामास्क फिरणाऱ्यांना दंड
  व्यापाऱ्यांनाही मास्क बंधकारक

हे पण वाचा - कोल्हापुरातील 9292 नंबरची क्रेझ अन्‌ साहेबप्रेमी

संपादन - धनाजी सुर्वे