बिद्री (कोल्हापूर) : येथील गारगोटी-कोल्हापूर रोडवर मुख्य बाजारपेठ असलेल्या त्रिशिखा ज्वेलर्सचे शटर उचकटून चोरट्यांनी सोन्या-चांदीचे दागिने असलेली तिजोरी सुमारे पाचशे मीटर शेतात नेऊन फोडून रोकडसह सव्वा लाखाचे दागिने लंपास केले. या घटनेची नोंद मुरगूड पोलिसांत झाली आहे.
घटनास्थळावरून समजलेली माहिती अशी, मजरे कासारवाडा (ता. राधानगरी) येथील सौरभ सुनील वारके यांचे बिद्री मौनीनगर येथील दत्त मंदिराशेजारी त्रिशिखा ज्वेलर्स हे दुकान आहे. शुक्रवारी मध्यरात्री चोरट्यांनी दुकानाचे शटर उचकटून सोन्या-चांदीचे दागिने असलेली तिजोरी उचलून बाहेर आणली. मुख्य वाहतुकीच्या रस्त्यावरून तिजोरी पलीकडे नेत महालक्ष्मी प्लाझाच्या मागे असलेल्या भातशेतीत नेऊन फोडली. त्यातील सोन्या - चांदीचे दागिने व रोकड लंपास केली.
चोरीत 15 हजार रुपयांचे सोन्याचे, तर 96 हजारांचे अंदाजे चार किलो वजनाचे चांदीचे दागिने यासह रोकड चार हजार रुपये असा एकूण एक लाख पंधरा हजार रुपयांचा मुद्देमाल चोरट्यांनी लंपास केला. दुकानासमोर असलेल्या महालक्ष्मी प्लाझामधील सीसीटीव्हीमध्ये चोरटे कैद झाले असून त्यामध्ये चार पुरुष व एका महिलेचाही समावेश आहे.
घटनास्थळी ठसे तज्ज्ञांसह श्वानपथकाला पाचारण केले होते. श्वानाने घटनास्थळापासून बिद्री-वाळवा रस्त्यावरील साखर कारखाना मुख्य गेटपर्यंत माग काढला व तेथेच ते घुटमळले. घटनेचा तपास मुरगूडच्या सपोनि विद्या जाधव यांच्या मार्गदर्शनाखाली एपीआय किशोर खाडे व सहकारी करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.