गडहिंग्लज - सोमवारी (ता.१८) रात्री उशिरा आलेल्या अहवालानुसार गडहिंग्लज तालुक्यातील दोघे कोरोना बाधीत असल्याचे स्पष्ट झाले आहे. यमेहट्टी येथील दोघे तर काळामवाडी गावातील एका युवकाचा समावेश आहे. तिघेही मुंबईहून आलेले आहेत. गावातील संस्थात्मक विलगीकरण केंद्रात होते. नव्या तीन रुग्णांमुळे गडहिंग्लज तालुक्यातील कोरोना बाधीतांची संख्या चारवर पोहोचली आहे.

मुंबईवरून गडहिंग्लजला...

यमेहट्टी (ता.गडहिंग्लज) येथील कोरोना बाधीत एक युवक सहा दिवसांपूर्वी मुंबईहून (घाटकोपर) आला होता. मुंबईवरुन आल्यानंतर गडहिंग्लज येथील कोव्हिड केअर सेंटरमध्ये त्याचा स्वॅब घेण्यात आला होता. त्यानंतर गावात उभारलेल्या संस्थात्मक विलगीकरण केंद्रात त्याला ठेवले होते. दुसरा 34 वर्षीय युवकही मुंबईवरून आलेला आहे. सोमवारी रात्री उशिरा आलेल्या अहवालामध्ये दोघेही कोरोना बाधित असल्याचे स्पष्ट झाले.तर काळामवाडी येथील कोरोना बाधीतही युवक आहे. त्याला गावातील शाळेमध्ये उभारलेल्या विलगीकरण केंद्रात ठेवले होते. त्याचा अहवाल रात्री उशिरा पॉझिटिव्ह आला आहे. दोघांचेही अहवाल पॉझिटिव्ह असल्याची माहिती स्थानिक प्रशासनाला समजल्यानंतर आरोग्य विभागाचे व पोलीस दलाचे कर्मचारी गावात पोहोचले आहेत. प्रशासनाकडून त्याच्या संपर्कातील लोकांचा शोध घेतला जात आहे.

वाचा - कोल्हापुरात कोरोनाबाधिताचा 'तो' मृतदेह... स्मशानभूमीत ना नातेवाईक ना हुंदक्यांचा आवाज... सगळं काही भयाण...

दरम्यान, शनिवारी कळविकट्टे या गावातील एक युवक कोरोना बाधीत आढळला होता. त्याच्यावर कोल्हापूर येथील सीपीआर रुग्णालयात उपचार सुरू आहेत. आजच्या तीन नव्या रुग्णांमुळे गडहिंग्लज तालुक्यातील कोरोना बाधीतांची संख्या चारवर पोहोचली आहे.