तारदाळ (कोल्हापूर) : कोरोनासारख्या महामारीने जगभरात थैयमान घातले आहे. यात अनेकांचे संसार उघड्यावर आले आहेत तर अनेकांचे कुटुंबच उध्दवस्त झाली आहेत. कोल्हापुरातही अशीच मन हेलावणारी घटना घडली आहे. जिल्ह्यातील तारताळ (ता. हातकणंगले) येथिल शिंदे कुंबातील तिन व्यक्तींचा आठच दिवसात मृत्यू झाला आहे. एकाच कुटंबातील तिघांच्या मृत्यू होण्याच्या या घटनेने परिसरात हळहळ व्यक्त होत आहे.  

याबाबत अधिक माहिती अशी, तारदाळ येथील बी. पी. एड कॉलेजचे माजी प्राचार्य धनाजी शिंदे यांच्या मातोश्री मालूबाई (वय 80) यांचे 14 ऑगस्टला आकस्मिक निधन झाले. या दु:खातून सावरत असतानाच 20 ऑगस्टला धनाजी (वय 53) यांचेही निधन झाले. आईच्या निधनानंतर सहाच दिवसात मुलाचा मुत्यू झाल्याने शिंदे कुटुंबिय दु:खाच्या छायेत होते. तोच 22 रोजी वडिल बापूसो (वय 90) यांचेही निधन झाले. त्यामुळे केवळ आठ दिवसात आई, मुलगा, वडिल यांचे एका पाठोपाठ एक निधन झाले आहे. 

हे पण वाचा - कोल्हापूर जिल्ह्यात ई-पासची सक्ती कायम ; काय आहे कारण? 

शिंदे कुटुंबियांवर नियतीने घातलेल्या घाल्यामुळे गावामध्ये हळहळ व्यक्त होत आहे. धनाजी शिंदे हे तारदाळ येथील बी. पी. एड्‌ कॉलेजचे प्राचार्य म्हणून काम पाहत होते. वडील जुन्या पिढीतील नावाजलेले शिक्षक होते. त्यामुळे शिक्षण क्षेत्रातील अनेक मान्यवरांना त्यांचा परिचय होता. परंतू, अशा अचानक तिघांच्या जाण्याने शिंदे कुटुंबिय दु:खाच्या छायेत लोटले आहे. 

हे पण वाचा -  कोल्हापुरात महेंद्रसिंह धोनी-रोहित शर्माचे चाहते भिडले? जाणून घ्या नेमकं काय घडलं?

संपादन - धनाजी सुर्वे