साळवण : पुराचा वेढा पडून बेटाचे स्वरूप प्राप्त होणाऱ्या तिसंगीपैकी टेकवाडी (ता. गगनबावडा) येथे दरड रस्त्यावर कोसळली. त्यामुळे वेतवडे व बालेवाडीकडे जाणारा मार्ग काही काळ बंद राहिला. प्रशासनाने अवघ्या दोन तासांत दरड बाजूला केल्याने वाहतूक पूर्ववत केली. तिसंगीपैकी टेकवाडी उंच टेकडीवर वसली आहे. दरवर्षी पुराचा वेढा पडणाऱ्या पूरग्रस्त टेकवाडीला संरक्षण देणाऱ्या नैसर्गिक दरडींची दरवर्षी धूप होत आहे.
आज सकाळी टेकवाडीच्या पश्‍चिमेकडील बाजीराव खाडे यांच्या घराच्या मागील बाजूची दरड व झाड कोसळले. त्यामुळे वेतवडे, बालेवाडी गावांकडे जाणारा मार्ग बंद झाला. तहसीलदार संगमेश कोडे यांनी तात्काळ भेट देऊन दरड दूर करण्याचे आदेश यंत्रणेला दिले. दरमयन उपसभापती पांडूरंग भोसले यांनी भेट दिली.
तिसंगीचे सरपंच बंकट थोडगे, तलाठी विश्वास चौगले व शाखा अभियंता बाजीराव मिसाळ यांनी जेसीबी व बांधकाम विभागाच्या कर्मचाऱ्यांच्या मदतीने कोसळलेल्या भराव व झाड काढून वेतवडे गावाला जाणारा मार्ग मोकळा केला. यावेळी स्वप्नील शिंदे, सर्जेराव खाडे, रमेश साळोखे आदीसह टेकवाडी गावचे ग्रामस्थ उपस्थित होते.
पश्चिम बाजूकडून भूस्खलन
पाऊस व पुरामुळे टेकवाडीला दरवर्षी धोका निर्माण होतो. 2016 मध्ये टेकवाडीला संरक्षण देणारी दीड कोटीची पूरसंरक्षक भिंत माजी आमदार चंद्रदीप नरके यांनी मंजूर करून बांधली. यामुळे कुंभी नदीच्या प्रवाहामुळे नदीकाठाच्या दक्षिणेकडील दरडींचे होणारे भूस्खलन थांबले असले तरी टेकवाडीच्या पश्चिम बाजूच्या दरडींचे भूस्खलन होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.