‘स्वीकृत’साठी
आज विशेष सभा
हुपरी : येथील स्वीकृत नगरसेवक पद निवडीसाठी उद्या (ता. २५) पालिकेची विशेष सभा बोलावली आहे. स्वीकृत नगरसेवकपदी संजयकुमार गाट यांची निवड निश्चित समजली जात आहे. पालिकेत सत्ताधारी भाजप व ताराराणी आघाडीच्या वाट्याला प्रत्येकी एक स्वीकृत नगरसेवक पद आहे. चार वर्षांत भाजपने आतापर्यंत सुदर्शन खाडे, अमजद नदाफ, सचिन गाट व सुभाष कागले अशा चौघा जणांना स्वीकृत नगरसेवकपदी संधी दिली आहे. कार्यकाल पूर्ण झाल्याने कागले यांनी स्वीकृत पदाचा राजीनामा दिला आहे. त्यामुळे रिक्त पदासाठी पालिकेची उद्या सकाळी अकरा वाजता विशेष सभा होत आहे. स्वीकृतसाठी भाजप पक्षश्रेष्ठींनी माजी तालुका पंचायत समिती सदस्य संजयकुमार गाट यांच्या नावावर शिक्कामोर्तब केले असून गाट यांच्या निवडीची औपचारिकता राहिली आहे.