जयसिंगपूरमधून दुचाकी चोरीस
जयसिंगपूर : शहरातील तिसऱ्या गल्लीतील क्रांतीवीर कलगोंडा पाटील यांची वीस हजार रुपये किंमतीची दुचाकी चोरीला गेल्याची घटना मंगळवारी (ता. ५) सकाळी उघडकीस आली. याबाबतची नोंद जयसिंगपूर पोलिसांत झाली आहे. तपास जयसिंगपूर पोलिस करत आहेत.
..........
धनादेश न वठल्याबद्दल शिक्षा
जयसिंगपूर : बनावट न वठणारा धनादेश दिल्याबद्दल भिमराव मधुकर कोरे (रा. तेरवाड ता. शिरोळ) यास सहा महिन्याची शिक्षा व २ लाख ५ हजार रुपये नुकसान भरपाई, ५ हजार दंडाची शिक्षा कुरुंदवाड प्रथमवर्ग न्यायाधीश ए. ए. कुलकर्णी यांनी सुनावली. प्रल्हाद माळकरी यांच्यावतीने अ‍ॅड. हिदायत नदाफ (रा. उदगांव) यांनी काम पाहिले. प्रल्हाद सोपाना माळकरी (रा. तेरवाड) यांच्याकडून आरोपी भिमराव मधुकर कोरे याने शाळेचे अनुदान प्राप्त करुन आणण्यासाठी २०१३ मध्ये २ लाख ५० हजार रुपये घेतले होते. रकमेच्या परत फेडीसाठी म्हणून आरोपीने दि रत्नाकर बँक शाखा इनाम धामणी (ता. मिरज) यांचेच्याकडील १ लाख रुपयाचे २ धनादेश दिले होते. ते न वठल्याने प्रल्हाद माळकरी यांनी कुरुंदवाड न्यायालयात फिर्याद दाखल केली होती.