हाजगोळी संस्थेत सत्ताधारी गटाची बाजी
आजरा, ता. २४ : हाजगोळी खुर्द (ता. आजरा) येथील लक्ष्मी विकास सेवा संस्थेच्या निवडणूक चुरशीची झाली. सत्ताधारी लक्ष्मी शेतकरी विकास पॅनेलने सत्ता कायम राखली. विरोधी गटाला एकही जागा मिळाली नाही. संस्थेच्या स्थापनेपासून प्रथमच संस्थेची निवडणुक झाली. निवडणुक बिनविरोधासाठी प्रयत्न झाले पण त्याला यश आले नाही. एकूण १३ जागासाठी निवडणूक लागली होती. यापैकी इतर मागास गटातून विशाल परसु सुतार तर भटक्या जाती गटातून पांडुरंग गिरी हे सत्ताधारी गटाचे दोन संचालक बिनविरोध निवडून आले होते. एकूण २५१ पैकी २२६ मतदारांनी मतदानाचा हक्क बजावला. सत्ताधारी आघाडीचे विजयी उमेदवार परसु सूतार, पांडुरंग भादवणकर, पांडुरंग जाधव, दिनकर गिलबिले, बापू गोरे, शामराव गिलबिले, बंडू करडे, आनंदा जाधव, लता कांबळे, आशा सुतार, बायाक्का जाधव आदी निवडून आले आहेत.