01072
गगनगड घाट मार्गावर दरड
कोसळल्याने वाहतूक विस्कळीत 
असळज : गगनबावडा ते गगनगड घाटमार्गात आज सकाळी दरड कोसळल्याने काही काळ वाहतूक विस्कळीत झाली. आज गुरुपौर्णिमा असल्याने महाराष्ट्राच्या कानाकोप-यातून गगनगडावरील गगनगिरी महाराज आश्रमात भाविक मोठ्या संख्येने दाखल होत होते. गगनगिरी महाराज आश्रमात हजर राहून गुरूचरणी लीन होण्यासाठी मोठ्या प्रमाणात भाविक, एसटी तसेच खाजगी वाहनाने गगनगडावर दाखल झाले होते, मात्र रस्ता मार्गावर दगड मातीचा मोठा ढिगारा कोसळल्याने काही काळ वाहतूक ठप्प झाली. प्रशासनाने तातडीने जेसीबीच्या सहाय्याने रस्त्यावरील दगडमाती दूर करून वाहतूक सुरळीत केली.