1692
बोरवडे : ग्रामदैवत जोतिबाची चैत्र यात्रेनिमित्त बांधलेली आकर्षक पूजा.
...

‘चांगभलं’च्या गजरात बोरवडेची जोतिबा चैत्र यात्रा

बिद्री: बोरवडे ( ता. कागल) येथील ग्रामदैवत जोतिबाची चैत्र यात्रा धार्मिक कार्यक्रमांनी भक्तिभावात झाली. जागरानिमित्त निघालेल्या पालखी सोहळ्यावेळी गुलाल-खोबऱ्याची उधळण करीत भाविकांनी ‘चांगभलं’चा जयघोष केला. यात्रेच्या मुख्य दोन दिवसांत माहेरवाशिणीसह पंचक्रोशीतील हजारो भाविकांनी श्रीं चे दर्शन घेतले. बारा ज्योतिर्लिंगांची एकाच ठिकाणी स्थापना असलेले बोरवडेचे ज्योतिर्लिंग हे परिसरातील एकमेव मंदिर आहे. दरवर्षी चैत्र महिन्यात हरिनाम पारायण सप्ताहाचा सोहळा येथे चालतो. यंदा चैत्र यात्रेचे ४४ वे वर्षे आहे. यानिमित्त गेले आठवडाभर प्रवचन, कीर्तन, ज्ञानेश्वरी पारायण, काकड आरती यांसह विविध धार्मिक कार्यक्रम पार पडले. रविवारी ( ता. ९ ) जागरानिमित्त रात्री श्रीं चा पालखी सोहळा झाला. यात्रेनिमित्त सोमवारी ( ता. १०) आयोजित केलेल्या महाप्रसादाचा सात हजार भाविकांनी लाभ घेतला.