3132
बिद्री : येथील संत बाळूमामा सेवा संस्था व नामदार हसनसो मुश्रीफ दूध संस्था यांच्या उद्‍घाटनप्रसंगी मंत्री हसन मुश्रीफ, के. पी. पाटील, मनोज फराकटे, भूषण पाटील आदी.
................
सहकारी संस्थांनी सभासद
हिताचे कार्यक्रम राबवावेत

मंत्री मुश्रीफ ः बिद्रीत विविध सहकारी संस्थांचे उद्‍घाटन

सकाळ वृत्तसेवा
बिद्री, ता. २५ : ‘राज्याला सहकारी चळवळीचा मोठा वारसा लाभला असून, सर्वसामान्यांच्या उन्नतीसाठी या संस्था आधारभूत ठरल्या आहेत. संस्थेचे सभासद मालक, तर संचालक विश्वस्त मानून काम केले तर संस्था प्रगतिपथावर जाते. अशा संस्थांनी पारदर्शकपणे कारभार करून सभासदांच्या हिताचे कार्यक्रम राबवावेत,’ अशी अपेक्षा वैद्यकीय शिक्षण मंत्री हसन मुश्रीफ यांनी व्यक्त केली.
बिद्री (ता. कागल) येथील संत बाळूमामा सेवा संस्था, नामदार हसनसो मुश्रीफ दूध संस्था, संत बाळूमामा मका प्रक्रिया संस्था, संत बाळूमामा कडधान्य प्रक्रिया संस्था, संत बाळूमामा भाजीपाला प्रक्रिया संस्था या नव्याने सुरू झालेल्या सहकारी संस्थांचे उद्‍घाटन मुश्रीफ यांच्या हस्ते झाले, याप्रसंगी ते बोलत होते.
यावेळी सलग सहावेळा आमदारपदी आणि नवव्यांदा कॅबिनेट मंत्रिपदी निवड झाल्याबद्दल मुश्रीफ यांचा माजी सरपंच शिवाजी पाटील आणि माजी उपसरपंच राजाराम चौगले यांच्या हस्ते सत्कार करण्यात आला.
यावेळी ‘बिद्री’चे अध्यक्ष के. पी. पाटील, राष्ट्रवादीचे जिल्हाध्यक्ष बाबासाहेब पाटील-आसुर्लेकर, ‘बिद्री’चे उपाध्यक्ष मनोज फराकटे, माजी सभापती जयदीप पोवार, माजी उपसभापती भूषण पाटील, शशिकांत खोत, सुनीलराज सूर्यवंशी, देवानंद पाटील, पांडुरंग पाटील, सरपंच पूजा पाटील, उपसरपंच सागर कांबळे, माजी सरपंच पांडुरंग चौगले, अण्णासाहेब पोवार, राजेंद्र चौगले, माजी उपसरपंच पांडुरंग कळमकर, विशाल चौगले, दिगंबर पाटील, अमोल चौगले, संदेश चौगले यांच्यासह ग्रामस्थ उपस्थित होते.
एम. एम. चौगले यांनी स्वागत केले. चंद्रकांत पाटील यांनी प्रास्ताविक केले. विश्वनाथ डफळे यांनी आभार मानले.