01583
केर्ले (ता. करवीर) : येथे वृक्षारोपण करताना एस. आर. पाटील, दत्तात्रय गोळे, मंगेश कचरे, आदी.

केर्लेतील हनुमान हायस्कूलतर्फे वृक्षारोपण
भुये : जागतिक तापमान वाढीने उद्‍भवणाऱ्या समस्येवर वृक्षारोपण आणि संवर्धन हा एकमेव उपाय असल्याचे मत प्राचार्य एस. आर. पाटील यांनी व्यक्त केले. केर्ले (ता. करवीर) येथील श्री हनुमान हायस्कूलमध्ये आयोजित वृक्षारोपण कार्यक्रमात ते बोलत होते. अध्यक्षस्थानी संस्थाध्यक्ष दत्तात्रय गोळे होते. कोल्हापूर लायन्स क्लब आणि संस्था प्रशासनातर्फे विविध हजार वृक्षांचे वृक्षारोपण करण्यात आले. मुख्याध्यापक एम. पी. कचरे यांनी केवळ वृक्षारोपण न करता प्रत्येक विद्यार्थी, शिक्षक, पालकांनी दहा झाडे जगविण्याची जबाबदारी स्वीकारली असल्याने समाधान होत असल्याचे सांगितले. श्रद्धानंद रणदिवे यांनी प्रास्ताविक केले. कृष्णात जाधव यांनी सूत्रसंचालन केले. अमितकुमार व्हटकर यांनी आभार मानले. यावेळी राजाराम चव्हाण, देवाजी वसावे, संस्था प्रतिनिधी, ग्रामस्थ उपस्थित होते.