पोहाळेत आज लेझीम स्पर्धा
बाजारभोगाव : विठ्ठलाई लेझीम मंडळ, पोहाळे तर्फ बोरगाव (ता. पन्हाळा) यांच्यातर्फे पोहाळेत येथे उद्या (ता. ६) सायंकाळी सहा वाजता लेझीम स्पर्धेचे आयोजन केले आहे. या स्पर्धेसाठी एकूण ५० हजार रुपयांपेक्षा जास्त रकमेची बक्षिसे आहेत. स्पर्धा पुरुष व महिला अशा दोन गटांत होणार आहेत. पुरुष गटातील विजेत्यांना अनुक्रमे १११११, ७७७७, ५५५५, ३३३३ रुपये व चषक, अशी बक्षिसे देण्यात येणार आहेत, तर महिला गटातील विजेत्यांना अनुक्रमे १०००१, ५००१, ३००१ , २००१ रुपये व चषक अशी बक्षिसे देण्यात येणार आहेत. उत्कृष्ट हलगी, कैताळ व घुमके वाजवणाऱ्यास रोख बक्षिसे देण्यात येणार आहेत. इच्छुकांनी युवराज चौगले यांच्याशी संपर्क साधावा, असे आवाहन केले आहे.