05581
आवळी बुद्रुक रक्तदात्यांचा सन्मान
शिरगाव : आवळी बुद्रुक (ता. राधानगरी) येथील शिवगणेश कला, क्रीडा व सांस्कृतिक तरुण मंडळ आणि संजीवनी ब्लड बँक; कोल्हापूर यांच्या संयुक्त विद्यमाने चैत्र उत्सवानिमित्त आयोजित रक्तदान शिबिरामध्ये ७८ तरुणांनी रक्तदान केले. सामाजिक भान ठेवून या मंडळांनी तेरा वर्षे रक्तदान शिबिर घेऊन सामाजिक वसा जपला आहे. अध्यक्ष अमित कवडे यांनी स्वागत केले. यावेळी उपाध्यक्ष संग्राम कवडे, सचिव अरुण कवडे, सदस्य संतोष कवडे, संजय कवडे, स्वप्नील पाटील, रणजीत कवडे, सचिन कवडे, उत्तम चौगले, मारुती पाटील, स्वप्नील कवडे, विश्वास कवडे उपास्थित होते. रक्तदात्यांना भेटवस्तू व प्रमाणपत्र देऊन गौरव झाला. ब्लड बँकचे व्यवस्थापक सचिन कवडे व सुरज मगदूम, श्रद्धा तळेकर, साक्षी गांजवे, स्पृहा साळसकर, नेहा बिडये यांनी रक्तदान शिबिरास सहकार्य केले.