दिव्यांग व्यक्तींच्या निधी वाटपाबाबत आवाहन
चंदगड : येथील नगरपंचायतीच्या वतीने दिव्यांग व्यक्तींना निधी वाटपाबाबत आवाहन केले आहे. शासनाच्या विविध योजनेतून दिव्यांग बांधवांना पाच टक्के राखीव निधीचे वाटप केले जाते. त्यासाठी युडी ओळखपत्र बंधनकारक आहे. ज्यांच्याकडे हे ओळखपत्र नसेल त्यांनी ऑनलाईन नोंदणी करायची आहे. विहित नमुन्यातील अर्जासोबत नगरपंचायत क्षेत्रातील रहिवासी असल्याचे स्वयंघोषणापत्र, आधार कार्ड, राष्ट्रीयकृत बँकेचे खाते असलेल्या पासबुकची झेरॉक्स या कागदपत्राचे हे अर्ज भरायचे आहेत. ३१ जुलैपूर्वी ते सादर करावे, असे आवाहन मुख्याधिकाऱ्यांनी केले आहे.