chd221.jpg

04308

पार्ले वन हद्दीतील अतिक्रमण हटवले
पाटणे वन विभागाची कारवाई ; २२ कुटुंबीयांकडून १५ हेक्टरवर अतिक्रमण

सकाळ वृत्तसेवा

चंदगड, ता. २२ : पाटणे ( ता. चंदगड) वनहद्दी अंतर्गत पार्ले (ता. चंदगड) येथील ग्रामस्थांनी मोठ्या प्रमाणात अतिक्रमण केले होते. उपवनसंरक्षक जी. गुरुप्रसाद, सहाय्यक वनसंरक्षक नवनाथ कांबळे यांच्या आदेशाने वनक्षेत्रपाल प्रशांत आवळे यांच्या उपस्थितीत कर्मचाऱ्यांनी अतिक्रमण आज काढून टाकले. सुमारे १५ हेक्टरवर हे अतिक्रमण होते.
गावाला लागूनच वन हद्द असून अनेक वर्षांपासून ग्रामस्थांनी वन हद्दीत अतिक्रमण करून जनावरांसाठी गोठा, जनावरे बांधली होती. काहीजण कच्ची घरे बांधून यात वास्तव्य करत आहेत. या संदर्भात तक्रारी झाल्यानंतर वन विभागाने आज कारवाईचा बडगा उगारला. यासंदर्भात संबंधित अतिक्रमणधारकांना आधीच सूचना दिली होती. त्यानुसार अनेकांनी साहित्य काढून घेतले. वन कर्मचाऱ्यांनी झोपड्या व इतर बांधकाम उद्ध्वस्त केले. जी कुटुंबे वास्तव्याला आहेत त्यांच्यावर वरिष्ठांच्या आदेशानुसार कारवाई करण्यात येणार असल्याचे सांगण्यात आले. वनपाल जॉन्सन डिसोजा, बी. आर. भांडकोळी, सुनील नागवेकर, वनरक्षक पांडुरंग कुलाळ, खंडू कोरे, प्रकाश शिंदे, मेघराज हुल्ले, सचिन अडसूळ, रुद्रगोंडा पाटील, श्रेयस रायके, अलका लोखंडे, सागर पाटील, वनसेवक तुकाराम गुरव, पुंडलिक नागुर्डेकर, चंद्रकांत बांदेकर, मोहन तुपारे, विश्वनाथ नार्वेकर, शुभम बांदेकर यांनी कारवाईत सहभाग घेतला.