00700
मसाईवर कुंकूमार्चन सोहळ्यात
हजारो महिलांचा सहभाग
देवाळे ता. ९ ः शारदीय नवरात्र उत्सवात नवचंडी यज्ञाचे विशेष महत्त्व आहे, असे प्रतिपादन वारणा महिला उद्योग समूहाच्या प्रमुख शुभलक्ष्मी कोरे यांनी केले. त्या मसाई पठार (ता. पन्हाळा) येथील मसाईदेवी मंदिरात पन्हाळा पंचायत समितीचे माजी सभापती अनिल कंदुरकर यांच्या संयोजनाने आयोजित नवचंडी यज्ञ व कुंकूमार्चन सोहळ्याप्रसंगी बोलत होत्या. सकाळी मसाईदेवी महाअभिषेक पंचायत समिती माजी सभापती अनिल कंदुरकर, वेखंडवाडीचे सरपंच संतोष खोत, पोपट पवार यांच्या हस्ते नवचंडी यज्ञ झाला. यावेळी पन्हाळा - बांधारी परिसरातील अनेक गावांतील महिलांना खणानारळाची ओटी देऊन फळांचे वाटप झाले. त्याचा हजारो महिलांनी लाभ घेतला. आमदार विनय कोरे यांनी नवचंडी यज्ञामध्ये समिधा अर्पण करणाऱ्यांना जीवनात भाग्य लाभते, असे सांगितले. कार्यक्रमाला सुरेखा गवड, सुनीता घेवारी, राजेंद्र गवड, शुभांगी कंदुरकर, अक्षय पवार, भीमराव कदम आदींसह परिसरातील विविध गावांचे पदाधिकारी उपस्थित होते. संयोजन कंदुरकर उद्योग समूह व अजिंक्य तरुण मंडळ वेखंडवाडी यांच्यातर्फे केले.