00890

झापाचीवाडी बंधाऱ्याची
प्रलंबित काम गतीने
मेअखेर पूर्णत्वाला; ग्रामस्थांत समाधान
धामोड, ता. ८ : झापाचीवाडी (ता. राधानगरी) येथील लघु पाटबंधारे प्रकल्पावरील प्रलंबित कामे वेगाने सुरू आहेत. प्रकल्पाच्या मुख्य भिंतीचे अश्मपटल दगडी काम, सांडव्याचे अपुरी असलेली कामे गतीने सुरू असून मे महिन्याअखेर पूर्णत्वाला जाणार आहेत. त्यामुळे ग्रामस्थांतून समाधान व्यक्त होत आहे.
झापाचीवाडी पाटबंधारे प्रकल्प अनेक वर्षे रेंगाळला होता. निधीची पूर्तता नसल्याने लालफितीत अडकला होता. या प्रकल्पाचा तीन गावांना व अडीचशे हेक्टर शेती क्षेत्राला लाभ झाला आहे. यावर्षी प्रकल्प पूर्ण क्षमतेने भरला असून प्रकल्पाचे पाणी पूजन करण्यात आले. मात्र अद्यापही या प्रकल्पाचे अनेक कामे प्रलंबित होती. प्रकल्पाच्या मुख्य भिंतीवरील दगडी काम दगडी, पूर्ण क्षमतेने भरल्यानंतर प्रकल्पातून बाहेर जाणाऱ्या अतिरिक्त पाण्यासाठी तयार करण्यात आलेला सांडवा यांची कामे प्रलंबित होती. गत आठवड्यापासून ही कामे वेगाने सुरू आहेत. सध्या मुख्य भिंतीच्या दगडी बांधकामाचे काम अंतिम टप्प्यात आहे. सांडव्यातील प्रलंबित कामेही सुरू करण्यात आलेले आहेत. प्रकल्पावरील प्रलंबित कामांना वेग आला असून ग्रामस्थांतून समाधान व्यक्त होत आहे.
------------
कोट
हा प्रकल्प जलसंधारण विभागाकडून सुरू आहे. या प्रकल्पात प्रथमच पाणी अडवलेले असून काही कामे प्रलंबित होती. मुख्य भिंतीचे दगडी काम, सांडव्याचे प्रलंबित असलेली कामे मे महिनाअखेरीस पूर्णत्वाला जाणार आहेत.
- एम. एस. पाटील, प्रकल्प ठेकेदार