01121
...
केळोशीत लोंढा नाला प्रकल्पामध्ये
शेतकऱ्याचा मृतदेह तरंगताना आढळला

धामोड , ता. २७ : केळोशी बुद्रुक (ता. राधानगरी) येथील लोंढा नाला प्रकल्पामध्ये एका शेतकऱ्याचा मृतदेह तरंगताना आढळला. विलास भाऊ मगर (वय ५३) असे त्यांचे नाव आहे. ते बुधवारपासून बेपत्ता होते. राधानगरी पोलिसांत घटनेची नोंद झाली आहे.
केळोशी बुद्रुक येथील विलास भाऊ मगर हे बुधवारी (ता. २४) सायंकाळी साडेसहा वाजता घरातून काही न सांगता निघून गेले होते. त्यांचा नातेवाईकांनी परिसरात शोध घेतला. मात्र, ते आढळून आले नसल्याने राधानगरी पोलिसांत बेपत्ता असल्याची नोंद करण्यात आली होती. आज शनिवारी (ता. २७) सकाळी दहा वाजता केळोशी येथील लोंढा नाला धरण प्रकल्पाच्या पाण्यात त्यांचा मृतदेह तरंगताना आढळून आला. सोळांकूर ग्रामीण रुग्णालयात उत्तरीय तपासणीनंतर मृतदेह नातेवाईकांच्या ताब्यात देण्यात आला. त्यांच्या मागे आई, वडील, पत्नी, दोन मुले असा परिवार आहे. अधिक तपास पोलिस नाईक अरविंद पाटील, सचिन पारखे, कृष्णात खामकर करत आहेत.