पाल बुद्रुक आज ‘लघु पाटबंधारे’चे भूमिपूजन
धामोड : पाल बुद्रुक (ता. राधानगरी) येथील लघु पाटबंधारे प्रकल्पाचा भूमिपूजन सोहळा शनिवारी (ता. १७) आमदार प्रकाश आबिटकर यांच्या हस्ते होत आहे. हा प्रकल्प मंजुरीपासून शासनाच्या लाल फितीत अडकला होता. आमदार आबिटकर यांनी प्रयत्न करून प्रकल्पासाठी २५ कोटींचा निधी मंजूर केला आहे. उद्या प्रकल्पाचा भूमिपूजन सोहळा सह्याद्री साखर कारखान्याचे अध्यक्ष बाळासाहेब नवणे, पंचायत समितीचे माजी सभापती जयसिंग खामकर, राशिवडेचे माजी सरपंच सागर धुंदरे, चांदे सरपंच सौ. रोगे यांच्यासह मान्यवरांच्या हस्ते होईल.