धामोड परिसरात बेंदूर उत्साहात
धामोड : येथील परिसरात बेंदूर सण उत्साहात झाला. सकाळी बैलांना शेतकऱ्यांनी अंघोळ घातली. दुपारी बेगड, झूल, रंग, बाशिंग, फुगे, हिंगूळ आदी साहित्याने बैलांना सजवण्यात आले होते. शेतकऱ्यांनी बैलाच्या शिंगांना विविध रंगी फुगे बांधले होते. सुवासिनींनी बैलांना ओवाळून पुरणपोळीचा घास भरवला. येथील परिसरात धामोडसह लाडवाडी, कोते, चांदे, आपटाळ, केळोशी याठिकाणी बेंदूर साजरा केला. आपल्या लाडक्या सर्जा-राजांचा हा सण शेतकऱ्यांनी आनंदाने साजरा करून मुक्या प्राण्यांविषयी कृतज्ञता व्यक्त केली.