कोल्हापूर

पेरण्या वाया जाण्याची भिती?

CD

08682
घुणकी : येथे दीपक पाटील यांच्या शेतातील जोमाने आलेले सोयाबीनचे पीक. (छायाचित्र ः संजय पाटील, घुणकी)
-----
पेरण्या वाया जाण्याची भीती?
‘रोहिणी’तील पिकांना रिमझिम पावसाने आधार
संजय पाटील ः सकाळ वृत्तसेवा
घुणकी, ता. १० : रोहिणी नक्षत्रात शेतकऱ्यांनी धाडसाने पेरणी केलेल्या पिकांना आठवडाभरातील रिमझिम पावसाने आधार दिला आहे; मात्र पाऊस सुरू झाला या आशेने शेतकऱ्यांनी केलेल्या पेरण्या वाया जातात की काय, असा प्रश्न शेतकऱ्यांसमोर उभा राहिला आहे.
दरवर्षी उन्हाळ्यात अनेक वेळा वळीव पाऊस होतो आणि रोहिणी नक्षत्र सुरू होताच भात पिकाची पेरणी सुरू होते तसेच आडसाली उसाच्या लावणींनाही प्रारंभ होतो; मात्र यावेळी परिस्थिती वेगळी आहे. उन्हाळ्यात वळीव पाऊस झाला नाही. त्यामुळे बहुतांश शेतकऱ्यांनी भात पिकाची पेरणी रोहिणी नक्षत्रात केली नाही. मृग नक्षत्रात अधूनमधून झालेल्या पावसामुळे शेतकऱ्यांनी धाडसाने भाताची पेरणी केली. त्याची उगवणही झाली आहे. तसेच या आठवडाभरात रिमझिम झालेल्या पावसामुळे सोयाबीन, भुईमूग, ज्वारीसह अन्य पिकांची पेरणी शेतकऱ्यांनी केली आहे. पाऊस लागणार या आशेने शेतकऱ्यांनी पेरण्या केल्या. बहुतांश ठिकाणी पिकांची उगवण होऊ लागली आहे आणि आता पावसाने पाठ फिरवली आहे. पिके करपल्यास मशागत, बियाणे, पेरणीसाठी झालेला खर्च वाया जाण्याची शक्यता आहे. त्यामुळे शेतकऱ्यांत चिंतेचे वातावरण पसरले आहे.
-----
वास्तविक पेरण्या जून महिन्याच्या पहिल्या पंधरवड्यात होतात. जुलै महिन्यात चांगला पाऊस पडतो. त्यामुळे पिकांची वाढ चांगली होते आणि पिकांना योग्य उतारा मिळतो; पण यावेळी या आठवडाभरात पेरण्या झाल्या आहेत. हंगामाप्रमाणे पेरण्या न झाल्याने उत्पन्नात घट होणार आहे. आता पाऊस नाही झाला तर पिके करपतील. त्यानंतर दुबार पेरणी करूनही उपयोग होणार नाही.
-सचिन पाटील, प्रगतशील शेतकरी,
किणी, ता. हातकणंगले.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Pune News: पुण्यात एकाच वेळी दोघांनी संपवले जीवन, तरुण-तरुणीचे मृतदेह सापडले, घटनेने खळबळ

Latest Marathi News Updates : विजेचा धक्का लागून शेतकऱ्यासह दोन बैलांचा मृत्यू

Mumbai Politics: पलावात आमदारांनी घर घ्यावे, म्हणजे उठलं की जाता येईल, ठाकरे गटाचा शिंदेसेनेच्या आमदारांना टोला

"माझ्या नवऱ्याचे विवाहबाह्य संबंध" पंचायत फेम अभिनेत्यावर पत्नीने केलेले गंभीर आरोप

Demat Account: शेअर बाजाराची क्रेझ कमी होत आहे का? डीमॅट अकाउंट बंद करण्याचे प्रमाण वाढले, काय आहे कारण?

SCROLL FOR NEXT