अंबप विकास सेवा संस्थेची
१०० टक्के वसुली ः डॉ. पाटील
घुणकी, ता. ८ : अंबप (ता. हातकणंगले) येथील अंबप सहकारी विकास सेवा संस्थेची शंभर टक्के कर्जवसुली झाल्याची माहिती अध्यक्ष डॉ. बी. के. पाटील यांनी दिली.
संस्थेची स्थापना ११ जानेवारी १९४० ला झाली असून स्थापनेपासून शंभर टक्के कर्जवसुली झाली आहे. संस्थेचे भाग भांडवल ३९ लाख ६४ हजार, कर्ज वाटप ३ कोटी ३५ लाख ८४ हजार, गुंतवणूक ४० लाख, वार्षिक उलाढाल सात कोटी ७५ लाख ४६ हजार, नफा पाच लाख २९ हजार रुपये झाला. ऑडिट वर्ग कायम ‘अ’ असून २५४ सभासदांना शासनाकडून प्रोत्साहनपर लाभ एक कोटी २५ लाख रुपये दिल्याचेही अध्यक्ष डॉ. बी. के. पाटील यांनी सांगितले. वसुलीसाठी मार्गदर्शक-संचालक ॲड. राजवर्धन पाटील, जिल्हा बँकेचे विभागीय अधिकारी एस. बी. निंबाळकर, निरीक्षक महादेव तेली, उपाध्यक्ष पोपट जाधव, संचालिका कविता दाभाडे, संजीवनी माळी, संचालक कृष्णात शिंदे आदींचे सहकार्य मिळाले.