11741

१० एचपीवरील कृषीपंपधारकांना वीज बिल माफी करा
स्वाभिमानीचे निवेदन; आंदोलनाचा इशारा

घुणकी, ता. २४ : महावितरणने दहा एचपीवरील कृषीपंपधारकांना वीज बील माफी करावी आणि वीजपुरवठा खंडित करु नये; याबाबतचे निवेदन स्वाभिमानी शेतकरी संघटनेतर्फे पेठवडगांव येथील महावितरणचे उपकार्यकारी अभियंता यांना देण्यात आले.
निवेदनातील आशय असा; राज्य सरकारने कृषी पंपधारकांची वीज बिले माफ करून मोफत वीज देण्याचे आश्वासन निवडणुकीत दिले होते. मात्र सध्या १० एचपीवरील शेतक-यांचा वीजपुरवठा खंडित कयण्याचे काम महावितरणकडून सुरु असल्याने शेतकऱ्यांचे नुकसान होत आहे.
राज्य सरकारने शेतक-यांना संपूर्ण वीज माफीचे आश्वासन दिले होते. यामुळे शेतक-यांनी वीज बिले भरलेली नाहीत. यामध्ये शेतकऱ्यांचा दोष नसून सरकारने दिलेले आश्वासन पाळावे व मोफत वीज द्यावी. महावितरणने तातडीने वीज तोडणी त्वरित थांबवावी; अन्यथा स्वाभिमानी शेतकरी संघटनेच्यावतीने महावितरण कार्यालयासमोर आंदोलन करू; असा इशारा संघटनेने दिला. जिल्हाध्यक्ष धनाजी पाटील, जिल्हा संपर्कप्रमुख आण्णा मगदूम, जिल्हा सरचिटणीस संपत पवार, तालुकाध्यक्ष सुधीर मगदूम तालुकाध्यक्ष, प्रवीण घोरपडे, भीमराव मगदूम, सुकुमार चौगुले, जयसिंग कुरणे, वैभव कुंभार, गणपती वाघ, प्रकाश पाटील, अंकुश पाटील, मनोहर देसाई, संताजी पाटील, शिवेंद्र घोरपडे, कृष्णात मोहिते, दीपक सनदे, भगवान शिंदे, दीपक मगदूम, शरद पाटील उपस्थित होते.