‘डीवायपी’ कॅम्पसमध्ये सापांबाबत मार्गदर्शन
घुणकी : सर्पदंश झाल्यास तातडीने वैद्यकीय उपचार घेणे आवश्यक असून, अंधश्रद्धेवर आधारित किंवा चुकीच्या घरगुती उपचारांमुळे वेळ वाया घालवू नये, असे आवाहन वन्यजीव अभ्यासक देवेंद्र भोसले यांनी केले. तळसंदे (ता. हातकणंगले) येथील डी. वाय. पाटील टेक्निकल कॅम्पस, येथे राष्ट्रीय सेवा योजना (एनएसएस) विभागातर्फे ‘सर्प जनजागृती व सुरक्षितता कार्यक्रम’ झाला. यावेळी ते बोलत होते.
टेक्निकल कॅम्पसचे संचालक डॉ. एस. आर. पावसकर यांनीही मार्गदर्शन केले. संस्थेचे अध्यक्ष डॉ. संजय डी. पाटील, उपाध्यक्ष आमदार सतेज डी. पाटील, विश्वस्त ऋतुराज पाटील, पृथ्वीराज पाटील, कार्यकारी संचालक डॉ. अनिलकुमार गुप्ता, अधिष्ठाता प्रा. आर. एस. पोवार आणि असिस्टंट रजिस्ट्रार जितेंद्र पोवार यांचे मार्गदर्शन व सहकार्य लाभले.