00713

गोकुळ शिरगावला
शेतीवरील परिसंवाद

गोकुळ शिरगाव, ता. १५ : गोकुळ शिरगाव (ता. करवीर) येथील ग्रामपंचायत सभागृहात ग्रामीण शेतकऱ्यांसाठी शेतीबद्दल आधुनिक माहितीसाठी परिसंवाद आयोजित करण्यात आला होता. कार्यक्रमाच्या अध्यक्षस्थानी कृषी मंडळ अधिकारी दिलीप गुरव होते. गोकुळ शिरगाव ग्रामपंचायत आणि श्री दत्त प्रसाद वाचनालय यांच्या सौजन्याने कार्यक्रमाचे आयोजन करण्यात आले होते.
यावेळी बाबासाहेब पाटील म्हणाले, ‘‘ऊस आणि सोयाबीन या नगदी पिकांना चांगला बाजारभाव मिळत नाही, त्यामुळे शेतकरी मोठ्या आर्थिक संकटात सापडत आहे. त्यासाठी रब्बी हंगाम आणि खरीप हंगामात योग्य पिकांची निवड करून शेतकऱ्यांनी आपली आर्थिक बाजू भक्कम करावी. कृषी क्षेत्रात उसासोबत वेगवेगळी पिकेसुद्धा आहेत जे बक्कळ पैसे मिळवून देतात. त्यातून आपण आपले आर्थिक हित जोपासू शकतो. याबरोबर सेंद्रिय शेती पद्धतीने काम करून जमिनीच्या होणाऱ्या ऱ्हासापासूनही थांबवू शकतो. यासोबतच मंडल अधिकारी दिलीप मगदूम यांनी शासनाद्वारे राबविल्या जाणाऱ्या योजनांची माहिती शेतकऱ्यांना दिली. परिसंवादास प्राध्यापक के. डी. पाटील ग्रामपंचायत सदस्य नूतन पाटील, लता पाटील, शहाजी रणदिवे, दत्तात्रय पाटील, अरविंद पाटील, बाजीराव मगदूम उपस्थित होते.