आरोग्य क्षेत्रात करिअरच्या अनेक संधी : प्रा. शिर्के
गारगोटी, ता. २७ : वाढत्या आरोग्य समस्या व प्रगत तंत्रज्ञानामुळे आरोग्य क्षेत्रात करिअरच्या अनेक संधी निर्माण होत आहेत. त्यामुळे विद्यार्थ्यांनी आरोग्य शाखेतील विविध अभ्यासक्रम शिकून करिअर करावे,’ असे प्रतिपादन प्रा. शीतल शिर्के यांनी केले. येथील कर्मवीर हिरे महाविद्यालयात आयोजित ‘आरोग्य क्षेत्रातील करिअरच्या संधी’ या विषयावरील व्याख्यानात त्या बोलत होत्या. अध्यक्षस्थानी डॉ. सागर व्हनाळकर होते. राजेंद्र तायशेटे, मच्छिंद्र कांबळे, चंद्रशेखर पाटील, ज्योती गुरव, श्वेता खोत आदी उपस्थित होते. डॉ. सतीश पाटील यांनी प्रास्ताविक केले. डॉ. विलास जगताप यांनी आभार मानले.