शेतकऱ्यांच्या बांधापर्यंत
बी-बियाणे पुरविणार

प्रा. बाळ देसाई; भुदरगड तालुका संघाचा उपक्रम

गारगोटी, ता. ३ : ‘‘भुदरगड तालुका शेतकरी सहकारी संघाच्यावतीने शेतकऱ्यांना शेताच्या बांधावर खते, बी-बियाणे पुरविण्याचा निर्णय संचालक मंडळाने घेतला आहे. सभासदाभिमुख कारभाराबरोबरच तत्पर सेवा देण्यासाठी हा उपक्रम हाती घेतला आहे,’’ अशी माहिती अध्यक्ष प्रा. बाळ देसाई यांनी दिली.
श्री. देसाई म्हणाले, ‘‘भुदरगड तालुका संघाच्या २१ शाखांच्या माध्यमातून सर्व प्रकारचे दर्जेदार भात बियाणे, रासायनिक खते विक्रीसाठी ठेवली आहेत. शेतकरी बांधवांना शेतीच्या बांधावर खते पुरविल्यास संघाबरोबर शेतकऱ्यांचा देखील फायदा होईल, हा असा उद्देश ठेवून निर्णय घेतला आहे.’ उपाध्यक्ष शामराव देसाई, रिपब्लिकन नेते पी. एस. कांबळे, शिवसेना तालुकाप्रमुख संग्राम सावंत, संचालक मानसिंग पाटील, विजयराव भांदिगरे, शामराव इंदुलकर, मारुती पाटील, प्रताप मेंगाणे, अरुण बेलेकर, नामदेव देसाई, प्रा. विजय कोटकर, बाबूराव देसाई, शहाजी देसाई, नारायण पाटील, प्रा. एच. आर. पाटील, सम्राट मोरे, शंकर पाटील, अनुसया तळकर, सई सावंत, अशोक यादव, बजरंग सुतार, प्रकाश कांबळे उपस्थित होते. व्यवस्थापक दतात्रय मांगोरे यांनी प्रास्ताविक केले.