02338
हुपरी: रामनवमीनिमित्त निघालेल्या मिरवणूकप्रसंगी हिंसाचार पसरवणाऱ्या समाजकंटकावर कारवाईच्या मागणीसाठी हिंदू जनजागृती समितीतर्फे निदर्शने केली.
----
हिंदू जनजागृती समितीतर्फे निदर्शने
हुपरी: श्रीरामनवमीनिमित्त देशभर निघालेल्या मिरवणुकांमध्ये हिंसाचार माजवणाऱ्या समाजकंटांकावर कठोरात कठोर कारवाई करावी. झालेल्या राष्ट्रीय संपत्तीची नुकसान भरपाई वसूल करावी या मागणीसाठी येथे हिंदू जनजागृती समितीतर्फे निदर्शने केली.
जनजागृती समितीचे किरण दुसे यांच्या नेतृत्वाखाली येथील नेताजी सुभाषचंद्र चौकात आंदोलन केले. माजी नगरसेवक सुदर्शन खाडे, निळकंठ माने, राष्ट्रीय स्वयंसेवक संघाचे विराम बहादुरे, शिवाजीराव मोटे आदींची भाषणे झाली. आंदोलनात मोहन वाईंगडे, राजेश भोजे, उमेश दैने आदी सहभागी झाले होते. पालिकेचे प्रशासकीय अधिकारी क्षितिज देसाई, पोलिस हवालदार सचिन सावंत यांनी आंदोलनस्थळी येऊन निवेदन स्वीकारले.