हुपरीत कायमस्वरूपी मुख्याधिकारी नियुक्तीची मागणी
हुपरी : येथील पालिकेचा कारभार सहा महिन्यांपासून प्रभारी मुख्याधिकाऱ्यांमार्फत सुरू आहे. ते वेळेत उपलब्ध होत नसल्याने नागरिकांच्या तसेच प्रशासकीय कामांचा खोळंबा होऊ लागला आहे. याठिकाणी कायमस्वरूपी मुख्याधिकारी नियुक्त करावा, अशी मागणी शहर शिवसेनेतर्फे (ठाकरे गट) जिल्हाधिकाऱ्यांकडे निवेदनाद्वारे केली आहे. आंदोलनाचा इशारा दिला आहे. निवेदनावर शहर प्रमुख विनायक विभूते, अमोल देशपांडे, रघुनाथ नलवडे, संभाजी हांडे, वैभव लायकर, सुनील सांगवडे आदींच्या सह्या आहेत.