हुपरीत मंदिरातील
दानपेटीची चोरी

हुपरी : येथील छत्रपती शिवाजी चौक परिसरातील अष्टविनायक गणेश मंदिरात झालेल्या चोरीत अज्ञात चोरट्यांनी दहा हजार रुपये रक्कम असलेली दानपेटी पळविली. या घटनेची हुपरी पोलिस ठाण्यात नोंद झाली. घटनास्थळी श्वान पथकास पाचारण केले. मात्र, श्वान मंदिर परिसरातच घुटमळले. ठसे तज्ज्ञांनी केलेल्या तपासणीत चोरट्यांच्या हाताचे ठसे आढळले आहेत. चोरटे संख्येने दोन असून, ते मंदिर परिसरातील सीसीटीव्हीमध्ये कैद झाले आहेत. दरम्यान, जिल्हा पोलिस अधीक्षक महेंद्र पंडित, उपअधीक्षक समीरसिंह साळवे यांनी भेट देऊन तपासासाठी सूचना केल्या.