एसटीच्या धडकेत दुचाकीस्वार गंभीर जखमी
इचलकरंजी: येथील मलाबादे चौकात एसटीने धडक दिल्याने दुचाकीस्वार गंभीर जखमी झाला. महादेव मारुती कांबळे (वय 64, रा. धनगरमाळ कोरोची) असे जखमीचे नाव आहे. हा प्रकार गुरुवारी सायंकाळी घडला. जखमीला तातडीने इंदिरा गांधी सामान्य रुग्णालयात दाखल केले. परंतु, प्रकृती अत्यवस्थमुळे पुढील उपचारासाठी सांगली सिव्हील रुग्णालयात पाठविण्यात आले. पोलिसांनी एसटी व दुचाकी वाहन ताब्यात घेतले आहे. याबाबत रात्री उशीरापर्यंत नोंद करण्याचे काम शिवाजीनगर पोलिस ठाण्यात सुरू होते. कांबळे हे यंत्रमागधारक असून, ते घरी परतत असताना हा अपघात घडला.