07884

इचलकरंजीत नाईट कॉलेजमध्ये
वार्षिक क्रीडा महोत्सवाचे उद्घाटन

इचलकरंजी, ता. ६ : येथील नाईट कॉलेज आणि यशवंतराव चव्हाण महाराष्ट्र मुक्त विद्यापीठ अभ्यासकेंद्राचा वार्षिक क्रीडा महोत्सवास प्रारंभ झाला. वेटलिफ्टिंग क्रीडा प्रकारात राष्ट्रीय सुवर्णपदक विजेती खेळाडू स्नेहल बोंगाळे प्रमुख उद्घाटक म्हणून उपस्थित होत्या.
बोंगाळे यांनी विद्यार्थ्यांना आवडीचा क्रीडा प्रकार निवडून प्रावीण्य मिळविण्याचा प्रयत्न करावा, असे आवाहन केले. कसून सराव करत सरावात सातत्य ठेवले; तर राष्ट्रीय स्तरावर पदक मिळविता येईल; असा सल्ला दिला. अध्यक्षस्थानावरून बोलताना संस्थेचे चेअरमन अरुणराव खंजिरे यांनी स्पर्धेतून खेळभावना वाढीस लागते. शारीरिक सक्षमता वाढण्यासाठी खेळ महत्त्वाचे असल्याचे सांगितले. यावेळी संस्थेचे उपाध्यक्ष बाळासाहेब मुरदंडे, प्राचार्य डॉ. पुरंदर नारे यांची प्रमुख उपस्थिती होती.
क्रीडा महोत्सवात सांघिक खेळ प्रकारात क्रिकेट, कबड्डी, रस्सीखेच तर वैयक्तिक खेळ प्रकारात १०० मीटर धावणे, गोळा फेक, लांब उडी, शटल रन आदी खेळांत विद्यार्थी सहभागी झाले आहेत. प्रास्ताविक शारीरिक शिक्षण संचालक डॉ. देवेंद्र बिरनाळे यांनी तर स्वागत प्राचार्य डॉ. पुरंदर नारे यांनी केले. डॉ. रामेश्वर सपकाळ यांनी आभार मानले. प्रा. एफ. एन. पटेल यांनी सूत्रसंचालन केले.