विविध गुन्ह्यांतील
सात जणांना प्रत्येकी
१० हजार रुपये दंड

इचलकरंजी : शहर वाहतूक नियंत्रण शाखेतर्फे दाखल करण्यात आलेल्या विविध गुन्ह्यांत सात जणांना येथील प्रथमवर्ग न्यायदंडाधिकारी यांनी प्रत्येकी १० हजार रुपये दंड ठोठावला. वाहतूक नियमांचे उल्लंघन, मद्यप्राशन करून वाहन चालविणे, कागदपत्रे न बाळगणे आदींवर शहर वाहतूक नियंत्रण शाखेकडून कारवाई सुरू आहे. अशा गुन्ह्याखाली शिवाजी गजानन सोनटक्के (रा. गोडोली), रमेश चंद्रकांत देवल (रा. लालनगर), मनोज तुकाराम कवठेकर (रा. तारदाळ), शिवलोचन ऊर्फ शंभू हरिचरण बिंद (रा. बरगेमळा), शंकर रवींद्र बागडी (रा. चिकोडी जि. बेळगावी), धनराज धर्मा हवराळे (रा. जयभीम झोपडपट्टी) व संदीप रमेश काछवान (रा. विक्रमनगर) यांच्यावर न्यायालयात खटले दाखल केले.