वॉईन शॉपमध्ये तोडफोड
करणाऱ्या तिघांवर गुन्हा दाखल

इचलकरंजी, ता. ६ : दुकानासमोरील मोटारसायकल क्रेनने उचलून नेल्याच्या रागातून संजोग वॉईन शॉपमध्ये तोडफोड करणाऱ्या तिघांवर शिवाजीनगर पोलिसांनी गुन्हा दाखल केला आहे. किशन तमायचे यांसह दोघांवर गुन्हा दाखल झाला आहे. तमायचेला पोलिसांनी ताब्यात घेतले आहे. तिघांनी दुकानात तलवारीसह घुसून दारूच्या बाटल्या फोडून ७ हजार रुपयांचे नुकसान केले. याबाबतची फिर्याद मुकेश निरंकारी याने पोलिस ठाण्यात दिली.
शुक्रवारी (ता. ५) दुपारी यशवंत प्रोसेससमोरील संजोग वाईन शॉपमध्ये किसन तमायचे हा दारू नेण्यासाठी गेला आणि दुकानासमोर रस्त्यावर लावलेली त्याची दुचाकी वाहतूक शाखेच्या क्रेनने उचलून नेली. यानंतर किशन याने याने निरंकारी यांच्याशी वाद घालून निघून गेला. सायंकाळी दोघांसह तमायचे थेट तलवारीसह दुकानात घुसला. तोडफोड करत निरंकारी यांना धक्काबुक्की केली. तलवारीने दुकानातील रॅकवर ठेवलेल्या तर अन्य दोघांनी कॉउंटरवर ठेवलेल्या दारूच्या बाटल्या फोडल्या. निरंकारी याच्या फिर्यादीनुसार तिघांवर शिवाजीनगर पोलिसांनी गुन्हा दाखल केला आहे.