70899

इचलकरंजी : किरकोळ भाजी विक्रेता कल्याणकारी संघटनेतर्फे सहकार भारती संस्थेच्या नूतन पदाधिकाऱ्यांचा सत्कार करण्यात आला.

‘सहकार भारती’च्या
पदाधिकाऱ्यांचा सत्कार
इचलकरंजी : किरकोळ भाजी विक्रेता कल्याणकारी संघटनेतर्फे सहकार भारती संस्थेच्या पदाधिकाऱ्यांचा सत्कार करण्यात आला. वडगाव बाजार समितीचे संचालक व संघटनेचे अध्यक्ष सागर मुसळे, उपाध्यक्ष अमर सडगर यांच्या हस्ते सत्कार झाला. सहकार भारतीचे इचलकरंजी महानगर अध्यक्ष विजय कामत, शहर संपर्कप्रमुख श्रीकांत टेके, जिल्हा संघटक संजय सातपुते, पतसंस्थाप्रमुख सूर्यकांत साखरे, महामंत्री विश्वनाथ रोडे यांचा समावेश होता. यावेळी संघटनेचे खजिनदार मुन्नाभाई मोमीन, सचिव संदीप वाकरे, संचालक विजय कांबळे, जितेंद्र जानवेकर, उस्मानभाई डांगे, करीम नायकवडे, संचालिका संगीता पत्रावळे, रेहाना शेख आदी उपस्थित होते.
-----
70900

नांदणी : ग्रामपंचायत कार्यालयात कृषिकन्यांचे स्वागत करताना मान्यवर.

नांदणी येथे कृषिकन्यांचे स्वागत
जयसिंगपूर : नांदणी (ता. शिरोळ) येथे शरद कृषी महाविद्यालय, जैनापूरच्या कृषिकन्यांचे स्वागत करण्यात आले. ग्रामस्थ, ग्रामपंचायत पदाधिकारी आणि महिला बचत गटांनी सहभागी होत कृषिकन्यांचा सन्मान केला. त्यांच्याकडून गावात ग्रामीण कृषी जागरुकता व कृषी औद्योगिक जोड कार्यक्रम राबवण्यात येणार आहे. सरपंच संगीता तगारे, उपसरपंच किरण आंबी यांची उपस्थिती होती. कृषिकन्या आदिश्री घोरपडे, सृष्टी नाईक, नम्रता पाटील, निकिता पाटील, प्रणोती पवार, दिव्या पाताडे उपस्थित होत्या. प्रणोती पवार हिने पुढील सहा महिन्यांच्या कार्यकालात राबवण्यात येणाऱ्या उपक्रमांची माहिती दिली. प्राचार्य डॉ. सारिका कोळी, उपप्राचार्य प्रा. संजय फलके, समन्वयक डॉ. रमेश कोळी, कार्यक्रम अधिकारी प्रा. प्रसाद सरतापे यांनी मार्गदर्शन केले.
-----