‘डीकेएएससी’मध्ये कॅम्पस, इंटर्नशिप ड्राईव्ह
इचलकरंजी : ‘डीकेएएससी’ महाविद्यालयातील वाणिज्य विभाग व प्लेसमेंट अँड ट्रेनिंग सेल यांच्या संयुक्त विद्यमाने ‘कॅम्पस रिक्रुटमेंट अँड इंटर्नशिप ड्राईव्ह’चे आयोजन केले होते. बजाज जनरल इन्शुरन्सचे प्रादेशिक प्रमुख सचिन गायकवाड प्रमुख मार्गदर्शक होते. अध्यक्षस्थानी प्राचार्य डॉ. एस. के. खाडे होते. रियाज मुलाणी, सौरभ सावंत, सागर माळी या विद्यार्थ्यांनी उपस्थित केलेल्या प्रश्नांची उत्तरे दिली. प्लेसमेंट सेलचे डॉ. अजिंक्य पत्रावळे यांनी स्वागत केले. वाणिज्य विभागप्रमुख व्ही. पी. पाटील यांनी प्रास्ताविक केले. पाच पदांसाठी ३० हून अधिक विद्यार्थ्यांच्या मुलाखती झाल्या. प्रा. डॉ. आर. एस. रोड्रिक्स यांनी आभार मानले.
--------------
तेरवाडला ग्राम गौरव पुरस्कार सोहळा
इचलकरंजी : तेरवाड (ता. शिरोळ) येथे डॉ. आंबेडकर शेती विकास व संशोधन संस्था, संविधान संवादक आणि ग्रामपंचायत तेरवाड यांच्यातर्फे राबविण्यात आलेल्या ‘घर दोघांचे’ अभियानांतर्गत ग्रामगौरव पुरस्कार वितरण सोहळा झाला. ललित बाबर, गटविकास अधिकारी विजयकुमार परीट, तसेच समाजकल्याण सभापती श्रद्धा गायकवाड यांच्या हस्ते ग्रामविकास अधिकारी संजय पुकळे, तेरवाड ग्रामस्थांनी ग्राम गौरव पुरस्कार स्वीकारला. यावेळी अविनाश गायकवाड, दीक्षा कांबळे, नीलेश तवंदकर, विजय गायकवाड आदी उपस्थित होते. नंदकुमार मोरे यांनी प्रास्ताविक केले. सायली मोरे यांनी सूत्रसंचालन केले.