04843
जयसिंगपूर: शरद कृषी प्रदर्शनाच्या प्रारंभ आमदार राजेंद्र पाटील यड्रावकर यांनी केला. तहसिलदार अपर्णा मोरे, ए. वाय. पाटील आदी उपस्थित होते.
-----------
शेतकऱ्यांनी नवनवीन प्रयोग करावेत
आमदार यड्रावकर; जयसिंगपूरला कृषी प्रदर्शनाचा प्रारंभ
जयसिंगपूर, ता.९: शेतकऱ्‍यांनी शेतीत नवनवीन प्रयोग केले पाहिजेत. म्हैशी, गाईंचे दूध वाढवण्यासाठी प्रयत्न केले पाहिजे. हे कृषी प्रदर्शन शेतकऱ्‍यांना लाभदायी ठरेल. शिवाय तालुक्यातील क्षारपट शेती सुधारण्यासाठी शासनाची योजना प्रत्येक शेतकऱ्‍यापर्यंत पोचवून शेती क्षारपट मुक्त करण्यासाठी प्रयत्न करणार असल्याचे प्रतिपादन, आमदार राजेंद्र पाटील यड्रावकर यांनी व्यक्त केले.
चार नद्यांचे वरदान असलेल्या शिरोळ तालुक्यात नेहमी ऊसाचे पीक घेतल्याने शेतीचा पोत बिघडला आहे. त्यामुळे शेतकऱ्‍यांना आधुनिक पद्धतीचे नवनवीन तंत्रज्ञान अवगत व्हावे यासाठी या कृषी प्रदर्शनाचे आयोजन केल्याचे त्यांनी सांगितले. जयसिंगपूर येथे सहकाररत्न स्व. शामराव पाटील यड्रावकर यांच्या स्मृतीप्रित्यर्थ शरद कृषी राज्यस्तरीय कृषी व पशुपक्षी प्रदर्शनाचा प्रारंभ आमदार यड्रावकर व मान्यवरांच्या हस्ते केला. यावेळी ते बोलत होते. स्वागत व प्रस्ताविक सुभाषसिंह रजपूत यांनी केले. शिरोळचे नगराध्यक्ष अमरसिंह माने-पाटील, जिल्हा अधिक्षक जालिंदर पांगरे, कृषी विकास अधिकारी भिमाशंकर पाटील, प्रांताधिकारी डॉ. विकास खरात, तहसिलदार डॉ. अपर्णा मोरे-धुमाळ, गटविकास अधिकारी शंकर कवितके, तालुका कृषी अधिकारी गणेश भोसले, अभिजीत गडदे, दिप्ती बावधनकर आदींनी शेतकऱ्‍यांना मार्गदर्शन केले.
शरद कारखान्याचे व्हा.चेअरमन थबा कांबळे, ए. वाय. पाटील, सतीश मलमे, राहुल बंडगर, आण्णासाहेब क्वाणे, प्रकाश पाटील, आदित्य पाटील यड्रावकर आदी उपस्थित होते. महोत्सवात कृषी प्रदर्शनाबरोबरच तांदुळ व खिचडे महोत्सव आधुनिक कृषी माहितीपटे, ऊस पीक, केळी व इतर पिके तसेच जातीवंत पशू प्रदर्शन भरवले आहे. रविवारी (ता. १२) भव्य डॉग शो चे आयोजन केले आहे.