जयसिंगपूरला महिलांची कॅल्शियम तपासणी
जयसिंगपूर, ता. ९ : जायंट्स ग्रुप ऑफ दुर्गा सहेलीमार्फत जागतिक आरोग्य दिनानिमित्त घरेलू कामगार महिला आणि परिसरातील महिलांना कॅल्शियम चेकअप आणि औषध वाटप केले. सुमारे ५० महिलांनी याचा लाभ घेतला. घालवाड प्राथमिक आरोग्य केंद्राचे वैद्यकीय अधिकारी डॉ. विवेक जोशी यांचे सहकार्य लाभले. स्नेहल कुलकर्णी यांच्या पाठपुराव्याने हे शिबीर आयोजित केले. दूर्गा सहेलीच्या कुसुम जगदाळे यांनी स्वागत केले. आशा सेविका प्राजक्ता कुलकर्णी यांनी कॅल्शियमची आपल्याला किती गरज आहे आणि हे किती महत्वाचे आहे त्याची माहिती दिली. डॉ. स्नेहल कुलकर्णी यांनी महिलांनी आरोग्याची कशी काळजी घ्यावी याविषयी मार्गदर्शन केले. झुंबा व्यायाम प्रकाराविषयी प्रशिक्षिका अक्षता कावरे यांनी माहिती दिली आणि प्रात्यक्षिके सादर केली. कार्यक्रम यशस्वी करण्यासाठी अश्विनी नरुटे, संगीता जाधव, शर्मिला देशपांडे, अश्विनी पवार, गंगा ताशिलदार, सुशीला पुजारी, नलिनी देसाई, मंजुश्री मोघे, श्वेता पुजारी, सीमा आपटे, स्मिता पुजारी, वैशाली कावरे यांनी परिश्रम घेतले.