ग्रामीण भागातील विकासकामांसाठी
दहा कोटी निधी मंजूर ः यड्रावकर
जयसिंगपूर, ता. १८ : गावातंर्गत मूलभूत सुविधांच्या कामांसाठी शासनाच्या ग्रामविकास विभागाच्या माध्यमातून शिरोळ तालुक्यातील ग्रामीण भागातील विकासकामांसाठी (२५१५-१२३८) या योजने अंतर्गत १० कोटी रुपयांचा निधी मंजूर झाल्याची माहिती माजी राज्यमंत्री, आमदार राजेंद्र पाटील यड्रावकर यांनी दिली.
२०२३-२४ च्या आर्थिक वर्षातील तरतुदीतून लोकप्रतिनिधींनी सुचवलेल्या ग्रामीण भागातील मूलभूत सुविधांसाठी हा निधी मंजूर झाला.
अंतर्गत रस्ते, सभागृह बांधकाम, स्मशानभूमी सुधारणा, गटर्स करणे, व्यायामशाळा बांधणे, पथदिवे बसवणे, पेव्हिंग ब्लॉक्स बसवणे, संरक्षक भिंत बांधणे, चौक सुशोभीकरण करणे गावांमधील या विविध विकासकामांसाठी मंजूर निधीचा विनियोग करण्याचा आहे. अब्दुललाट, उमळवाड, यड्राव, दानोळी, अकिवाट, औरवाड, संभाजीपूर, शिरटी, कवठेसार, नांदणी, दत्तवाड, आलास, गणेशवाडी, शेडशाळ, शिरढोण, सैनिक टाकळी, कोथळी, मौजे आगर, निमशिरगाव, घोसरवाड, कवठेगुलंद, नवे दानवाड, अर्जुनवाड, हेरवाड, हरोली, शिरदवाड, चिंचवाड, चिपरी, जैनापूर, बुबनाळ, गौरवाड, तेरवाड, कनवाड, लाटवाडी, घालवाड, नृसिंहवाडी, कुटवाड, जांभळी, कोंडीग्रे व टाकवडे, उदगाव, मजरेवाडी, हसूर, टाकळीवाडी, जुने दानवाड, तमदलगे, राजापूरवाडी, शिवनाकवाडी या गावातील कामे केली जाणार आहेत.