06715
नांदणी : राजू शेट्टी यांचा नागरी सत्कार करण्यात आला. यावेळी सागर संभूशेटे, शैलेश आडके, महावीर पाटील, तानाजी वठारे, रावसाहेब भगाटे, अजित पाटील आदी उपस्थित होते.
---------------
एकजुटीमुळेच कारखानदारांनी गुडघे टेकले
राजू शेट्टी ः नांदणी येथे संघर्ष सन्मान योद्धा सभा
सकाळ वृत्तसेवा
जयसिंगपूर, ता. २८ : गटतट, पक्ष विसरून ऊस उत्पादक शेतकऱ्यांनी केलेली अभुतपूर्व एकजूटच कारखानदारांना गुडघे टेकण्यास भाग पाडली. शेतकरी आपल्या न्याय हक्कासाठी एक झाल्यास कितीही मोठी शक्ती आपल्यासमोर उभी राहिल्यास आपण त्यांना चितपट करू शकतो हे दिल्लीच्या आंदोलनानंतर पुन्हा एकदा दाखवून दिल्याचे प्रतिपादन स्वाभिमानी शेतकरी संघटनेचे अध्यक्ष राजू शेट्टी यांनी नांदणी येथील संघर्ष सन्मान योध्दा सभेत केले.
नांदणी (ता. शिरोळ) येथे ऊस आंदोलनाच्या यशाबद्दल श्री. शेट्टी यांचा सत्कार केला. यावेळी ते बोलत होते. ते म्हणाले, ‘दोन महिन्यांपासून जिल्ह्यातील ऊस उत्पादक शेतकरी घामाच्या दामासाठी लढाई करत होता. साखर कारखानदार एक होवून आंदोलन मोडून काढण्याचा चंग बांधला होता. गतवर्षी कारखान्यांनी चांगला नफा कमवला होता. साखरेला व उपपदार्थातून मिळालेल्या चांगल्या उत्पन्नामुळे  शेतकऱ्यांना दुसरा हप्ता देणे सहज शक्य होते. मात्र संकटात सापडलेल्या शेतकऱ्यांना अजून संकटात टाकण्यासाठीचा चंग बांधून कारखानदारांनी वज्रमुठ केली होती.’
एक रूपयाही देता येणार नाही असे म्हणणाऱ्यांनी साखर कारखानदारांनी शेवटी शेतकऱ्यांच्या एकजुठीपुढे गुडघे टेकले. अशाच पध्दतीने चळवळ मोडून काढणाऱ्या सांगली जिल्ह्यातील कारखानदारांनाही गुडघे टेकायला लावू. यासाठी कोल्हापूर जिल्ह्यातील ऊस उत्पादक शेतकऱ्यांनी सांगली जिल्ह्यातील कारखान्यांना ऊस पुरवठा न करण्याचे आवाहन त्यांनी केले.
स्वागत व प्रास्ताविक तानाजी वठारे यांनी केले. सावकर मादनाईक, सागर शंभुशेटे, धीरज शिंदे यांनी मनोगत व्यक्त केले. तालुकाध्यक्ष शैलेश आडके, राम शिंदे, माजी सभापती सुवर्णा अपराज, प्रकाश परीट, राजगोंडा पाटील आदी उपस्थित होते.