दागिने चोरीप्रकरणी
तिघांना कोठडी
जयसिंगपूर, ता. २९ : धरणगुत्ती (ता. शिरोळ) येथील पूनम अभिजीत पवार यांच्या बंद घराचे कुलूप तोडून चोरट्यांनी घरातील तिजोरीचे कुलूप तोडून पाच लाखांचे दागिने लंपास केल्याची घटना रविवारी उघडकीस आली होती. याप्रकरणी शिरोळ पोलिसांनी संशयितांना अटक केली. प्रवीण सुभाष गाडीवडर (वय ३० रा. आंबेडकर सोसायटी जयसिंगपूर), करण मधुकर पडियार (वय २९ रा. माळभाग धरणगुत्ती), सतीश संतोष नलवडे (वय २३ रा. समडोळे मळा शाहूनगर, जयसिंगपूर) अशी संशयितांची नावे आहेत. त्यांना सोमवारी जयसिंगपूर येथील न्यायलयासमोर उभे केले असता चार दिवसांची पोलिस कोठडी सुनावली आहे. सरकारी वकील सूर्यकांत मिरजे यांनी युक्तिवाद केला.