‘पिंटू मगदूम फार्मसी’मध्ये
लाईफ स्किल कार्यशाळा
जयसिंगपूर : धरणगुत्ती (ता. शिरोळ) येथील डॉ. जे. जे. मगदूम ट्रस्ट संचालित अनिल अलियास पिंटू मगदूम मेमोरियल फार्मसी कॉलेज व जी. टी. टी. फाउंडेशन यांच्या संयुक्त विद्यमाने विद्यार्थ्यांसाठी तीन दिवसीय लाईफ स्किल डेव्हलपमेंट कार्यशाळेला चांगला प्रतिसाद मिळाला. तनुश्री घोष यांनी विद्यार्थ्यांना औषध निर्माण कंपनीची रचना, संवाद कौशल्याचे महत्व, रिझुम तयार करणे, मुलाखतीला कसे सामोरे जावे या विषयावर मार्गदर्शन केले. संस्थेचे अध्यक्ष डॉ. विजय मगदूम व उपाध्यक्ष तथा सचिव ॲड. डॉ. सोनाली मगदूम यांच्या प्रेरणेतून प्राचार्य डॉ. सचिन निटवे यांच्या मार्गदर्शनाखाली अध्यापिका सायली पाटील यांनी आयोजन केले. वर्कशॉपमध्ये विद्यार्थ्यांनी महत्वपूर्ण सहभाग नोंदवला व नवीन गोष्टीविषयी ज्ञान आत्मसात केले.