10858
जयसिंगपूर : रोजगार मेळाव्यात बोलताना डॉ. विजय मगदूम.
डॉ. मगदूम अभियांत्रिकीत
रोजगार मेळावा उत्साहात
सकाळ वृत्तसेवा
जयसिंगपूर, ता. २६ : येथील डॉ. जे. जे. मगदूम अभियांत्रिकीतर्फे आयोजित रोजगार मेळाव्याला उत्स्फूर्त प्रतिसाद मिळाला. ६३ हून अधिक कंपन्या व एक हजारांहून अधिक उमेदवारांनी सहभाग घेतला. ऑनलाईन मुलाखतीचीही व्यवस्था केली होती.
डॉ. जे. जे. मगदूम ट्रस्टचे अध्यक्ष डॉ. विजय मगदूम यांच्या वाढदिवसानिमित्त आयोजन केले होते. प्रमुख पाहुणे रमेश आरवाडे होते. युवकांना चांगले शिक्षण देण्याबरोबरच त्यांच्या हाताला काम देणे ही सामाजिक जबाबदारी आहे. दरवर्षी जॉब फेअरचे आयोजन करून सहभागी संघटना व महाविद्यालयाने ही जबाबदारी सांभाळावी, असे आवाहन अध्यक्ष डॉ. विजय मगदूम यांनी केले. गलेलठ्ठ पगाराची अपेक्षा युवकांनी सुरुवातीस न करता अनुभवावर भर दिला पाहिजे, असे मत रमेश आरवाडे यांनी व्यक्त केले. मागणी तसा पुरवठा करण्यासाठी इंडस्ट्रीजनी महाविद्यालयाशी सामंजस्य करार करावा, असे मत कॅम्पस डायरेक्टर डॉ. सुनील आडमुठे यांनी व्यक्त केले. डॉ. जे. जे. मगदूम ट्रस्टच्या उपाध्यक्षा ॲड. डॉ. सोनाली मगदूम यांचे प्रोत्साहन मिळाले. प्राचार्य डॉ. गोपाळ मुलगुंड यांच्या मार्गदर्शनाखाली प्रा. पी. पी. माळगे यांनी विश्वनाथ शिंदे, अमित मगदूम, अमित बडवे, ओमप्रकाश साने व नागेंद्र रंगरेज यांच्या सहाय्याने नियोजन केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.