कनवाडला नवीन नाव
जयसिंगपूर : पुराचा फटका बसणाऱ्या कनवाडला (ता. शिरोळ) जिल्हा परिषदेच्या माध्यमातून नवी नाव मिळाली. आमदार राजेंद्र पाटील-यड्रावकर यांच्या माध्यमातून कृष्णा नदीकाठावरील कनवाडला नाव मिळाली. संभाव्य महापुराचा धोका लक्षात घेता या नावेचा उपयोग होणार आहे. कनवाड हे गाव कृष्णा नदीकाठी वसलेले असून, पूरपरिस्थितीमुळे गावाचा संपर्क तुटतो. त्यामुळे नाव देण्याची ग्रामस्थांची गरज होती. ही गरज लक्षात घेऊन आमदार यड्रावकर यांनी जिल्हा परिषदेकडे शिफारस केली होती. त्यांच्या पाठपुराव्यानंतर जिल्हा परिषद, कोल्हापूरकडून कनवाड गावासाठी नौका देण्यात आली.