ग्राम सुरक्षा यंत्रणेबाबत
कळ्यात आज सभा
कळे : गावाच्या सुरक्षेच्या दृष्टीने ग्राम सुरक्षा यंत्रणा कार्यान्वित करण्याबाबत मार्गदर्शन करण्यासाठी कळे पोलिस ठाणे हद्दीतील नागरिकांसाठी सभेचे आयोजन केले आहे. माणिक मल्टिपपर्पज हॉलमध्ये गुरुवारी (ता. ११) दुपारी १२ वाजता होणाऱ्या या सभेस उपस्थित राहावे, असे आवाहन कळे पोलिस ठाण्याचे सहायक पोलिस निरीक्षक रणजित पाटील यांनी केले आहे. सभेसाठी सरपंच, उपसरपंच, ग्रामपंचायतचे सदस्य, पोलिसपाटील, तलाठी, कोतवाल, तंटामुक्ती अध्यक्ष, आशा सेविका, अंगणवाडी सेविका, आरोग्य सेविका, मंडळांचे सदस्य, दक्षता समिती सदस्यांनी उपस्थित राहण्याचे आवाहन केले आहे.