3777
कळे : जिल्हास्तरीय कुस्ती स्पर्धेत कळे विद्यामंदिर व ज्युनियर कॉलेजच्या यशस्वी विद्यार्थ्यांसोबत प्राचार्य ए. बी. गायकवाड व मार्गदर्शक शिक्षक योगेश वराळे.
............
शालेय कुस्ती स्पर्धेत
कळे प्रशालेचे यश

सकाळ वृत्तसेवा
कळे, ता. २२ : गडहिंग्लज येथे झालेल्या शासकीय शालेय जिल्हास्तरीय कुस्ती स्पर्धेत पन्हाळा एज्युकेशन सोसायटी संचलित कळे विद्यामंदिर व ज्युनियर कॉलेज कळे (ता. पन्हाळा) प्रशालेने यश संपादन केले.
१४ वर्षांखालील मुलांच्या फ्री स्टाईल कुस्ती स्पर्धेत ३५ किलो वजनी गटात वीरेंद्र शिवाजी वाळवेकर (इ. ८ वी) याने प्रथम क्रमांक पटकविला. तसेच १७ वर्षांखालील मुलांच्या फ्री स्टाईल कुस्ती स्पर्धेत ४५ किलो वजनी गटात शेखर धनाजी म्हामुलकर (इ. १० वी) याने प्रथम क्रमांक पटकावला. दोन्ही कुस्तीपटूंची सातारा येथे होणाऱ्या विभागस्तरीय कुस्ती स्पर्धेसाठी निवड झाली. तसेच १७ वर्षांखालील मुले ग्रीको रोमन कुस्ती स्पर्धेत ५१ किलो वजनी गटात पृथ्वीराज नंदकुमार पाटील (इ. १० वी) याने द्वितीय क्रमांक पटकाविला.
सर्व यशस्वी विद्यार्थ्यांना पन्हाळा एज्युकेशन सोसायटीचे सर्व पदाधिकारी, प्राचार्य ए. बी. यकवाड, क्रीडाशिक्षक योगेश वराळे यांच्यासह प्रशालेतील सर्व शिक्षक व शिक्षकेतर कर्मचारी यांचे मार्गदर्शन व सहकार्य लाभले.