03842
महिला सरपंचांनी मानधनातून
दिले शाळेला सीसीटीव्‍ही

कळे, ता. ७ : मल्हारपेठ (ता. पन्हाळा) गावच्या सरपंच शारदा दत्तात्रय पाटील यांनी पतीच्या स्मरणार्थ सरपंचपदाच्या मानधनातून जिल्हा परिषदेच्या प्राथमिक शाळेस सीसीटीव्ही कॅमेरा प्रणाली भेट देऊन आदर्श घालून दिला आहे. दोन वर्षांपूर्वी पाटील मल्हारपेठच्या सरपंच झाल्यानंतर सहा महिन्यांतच पती दत्तात्रय श्रीपती पाटील यांचे अकाली निधन झाले. पतीच्या निधनाचे दुःख बाजूला ठेवून त्या गावाच्या विकासासाठी कार्यरत राहिल्या. पाटील यांनी सरपंच झाल्यापासून कोणत्याही प्रकारचे मानधन स्वीकारले नाही. पतीच्या स्मरणार्थ सर्व मानधन त्यांनी प्राथमिक शाळेच्या सीसीटीव्ही कॅमेऱ्यासाठी खर्च केले. सरपंच शारदा पाटील यांची ही भूमिका निश्‍चितच आदर्शवत आहे, अशी भावना ग्रामस्थ सागर मोरे यांनी व्‍यक्त केली.
ां
कोट
मुलांना शिक्षण देण्यासोबतच शाळेच्या मुख्य जबाबदाऱ्यांपैकी एक म्हणजे विद्यार्थ्यांना सुरक्षित ठेवणे. अलीकडे काही घटना पाहता विद्यार्थी-विद्यार्थिनींची सुरक्षितता धोक्यात आल्याचे दिसून येते. यावर सीसीटीव्ही कॅमेरा प्रणाली अत्यंत प्रभावी असून प्रत्येक शाळेत सीसीटीव्ही कॅमेरा प्रणाली कार्यान्वित करणे गरजेचे आहे.
- शारदा दत्तात्रय पाटील, सरपंच, मल्हारपेठ